Pebrero 23, 2016 – sa may alas 3 ang takna sa kahapunon, didto mismo sa opisina sa Municipal Social Welfare Development, gi turn-over ngadto ni Mr. DEODORO T. BALOG sa Barangay Buenavista, Loboc, Bohol, usa ka 61 anyos nga PWD recipient sa usa sa mga programa gikan sa Lokal nga Pangagamhanan sa Loboc, nga mao ang paghatag ug tubag sa panginahanglan sa mga may kabilingdan sa panglawas, kauban ang halangdong Mayor sa lungsod sa Loboc, Hon. Helen C. Alaba, Bise-Mayor Pablio D. Sumampong, Kagawad Margel C. Hilot, ug MSWDO Dioscora A. Sumampong.


Si Mr. Deodoro Balog nag-antos sa iyang duha ka tiil nga puro dili mahimuslan tungod sa in-born disability, mipaabot sa iyang dakung kalipay ug pasalamat ngadto sa kasamtangang administrasyon sa paghatag ug pagtagad sa iyang kasamtangang sitwasyon. Sa pagdawat niya sa usa ka heavy duty folding walker (usa ka assistive device para sa mga PWD) dili matukib ang iyang gibateng kalipay kay matud pa niya ang iyang daan ug may depekto na nga walker nga hinatag usab sa usa ka foreigner niadtong ilang Bible Seminar sa mga Born Again Christian niadto pang tuig 2002 mapulihan na gayud. Si Mr. Balog nagpuyo lamang kauban sa iyang uyuan nga si Mr. Lorenzo Balog, ug mga pag-umangkong sila Richard-Marissa Balog. Siya nanghinaut nga aduna pay daghang sama niya nga mahatagan ug suporta gikan sa atong Lokal nga Pangagamhanan.

Our location

More about Loboc

Today 14

Yesterday 35

Month 1203

All 178128

Currently are 2 guests and no members online

citizenscharter.jpg